Ko te reo Māori me ngā whānau te pūtake matua -Ka pūrea ai te hau mō te āpōpō

Tāhuti tau mai koutou ki tēnei ara whakarauora i Te Ao Māori, kia tōtōhia ki te whatumanawa, ki te whakaaro nui, te reo o ā tātou mokopuna, kia pūrea ai rātou ki ngā tikanga o ā kui, o ā koro mā, ki tō rātou ake āhuru mōwai, kua korowaitia ki te aroha.

Ko wai mātou

Nau mai, 
haere mai rā koutou ki tō tātou whānau

Tahuti tau mai! He kōhanga rūmaki reo Māori a Te Āwhina Kōhanga Reo, e hāpai ake ana i te reo Māori me ōna tikanga katoa. He kaupapa kua muia ki te aroha, ā, ka whai wāhi ai a tātou mokopuna ki tō rātou ake ao tūroa.
Ki kōnei, mā ngā whānau, ngā mokopuna e manaaki ki te aroha

Nau mai, haere mai rā koutou ki tō tātou whānau

Kaupapa Matua

Tā tātou taiao ako


I Te Āwhina Kōhanga Reo, ka whakamahia e mātou he tini momo mahi hei whakahoahoa i ngā mokopuna, kia whai hua, kia ngāhau hoki tō rātou wā ki kōnei.
Ka ako rātou mā te tākaro, te kōrero pūrākau, ngā waiata, te auahatanga, me ngā kawenga ngātahi.

Mā ēnei wheako rumaki ka whiwhi mātauranga rātou, ka ako hoki i te reo i runga i te āhua māori, āta tau. Ka whanake te mōhio ki tō rātou tuakiri, te noho āhuru, me te whakapehapeha ahurea, ā, mā tō rātou pākiki ka tūhura i te reo me ngā tikanga Māori i ia wāhi.
Ko ngā kaimahi te hāpai i ngā mahi o ia rā, ko te whānau te hāpai i te ako whānui.
Nā tēnei ka hora ngā painga o te mātauranga Kōhanga Reo ki ngā reanga maha, ka toro atu ki te kāinga me te hapori.

Mā te whakaute i tō tātou kaupapa Māori, ka poipoi mātou i te taha wairua, te taha hinengaro, te taha tinana, me te taha mātauranga o ia mokopuna kei raro i tō mātou maru.

Kaupapa matua

He aha ngā whānau i whiriwhiri ai ia mātou

I te tīmatanga, i āwangawanga au i taku kōwhiringa ki te tuku tāku tama ki Te Āwhina Kōhanga Reo. Heoi anō, i taku kitenga i a ia e puāwai ana, ki raro i te maru o tōna ahurea Māori, kua tino panoni tō mātou ao. Inaianei, ka rangona whānuitia te reo Māori ki tō mātou kāinga. He mea tino ātaahua te mātakitaki i a ia, ahakoa tōna nohinohi, e ārahi ana i a mātou kia hoki anō ki ō mātou ake pūtaketanga.
Inaianei kua tae atu tō mātou mātāmua ki te kura kaupapa Māori, ā, ko te reo Māori te reo matua ki tō mātou whānau. Kei te tū hoki ia ki Te Matatini o Te Kāhui Maunga. Ka hoki ngā mahara ki tō mātou haerenga, ā, ka kitea ngā hua o tāna ū ki te kaupapa ahakoa te aha hei whārikihia te tūāpapa mō ngā uri whakatipu - nōku te honore.
I ahu mai taku haerenga mātauranga nō tōku koroua, ā, nāna te take kei konei mātou ki tō tātou whare, Tē Āwhina Kōhanga Reo. I taua wā i tīmata taku irāmutu ki te kōhanga nei, ka kite au te āheinga hei hei whakahoki koha ki tō mātou whānau o te kōhanga reo. Ka hoki ngā mahara ki ngā wā i noho ai mātou ki konei, ā, i te kite hoki i te taenga mai o te reanga hou e tipu ake ana, ka mōhio au — koinei te wāhi tika mōku.

Ngā pūrongo o te wā

Tō Tātou Hapori Ako

Whakanui i a Matariki

I te 26 o Pipiri 2025, i hui tahi Te Āwhina Kōhanga Reo ki te whakanui i a Pō Matariki — he pō o te auahatanga, te whakawhanaungatanga, me te whakaknui i tō tātou ahurea. Tirohia te kōrero katoa mō te āhua o tā mātou whakanui i te tau hou Māori.

Tīmatahia te haerenga o to tamaiti ki konei